anak ng usapang komiks

Saturday, September 09, 2006

Sagot ko kay Artlink

Sorry kung di ako makapag-post ng sagot sa comment ni Artlink. Talagang dominante na ng isang pananaw ang blog ni Papa Randy. Hinaharangan na ni Randy ang mga sinumang anonymous ang may gustong mag-post sa blog niya ke matino o sira-ulo.

Artlink: Tungkol doon sa binigay mong halimbawa na "marketing strategy" ng nakaraang monopolyo ng mga Roces, ang "volume first, quality second", palagay ko hindi ito marketing strategy. Ito ay CIRCULATION policy. Iba ang circulation sa pangkalahatang konsepto ng marketing.

Ang marketing ay pamamaraan kung paano mo maibebenta ang iyong produkto sa publiko. Kaakibat ng marketing ay product development, cost analysis, packaging, target market profile, promotion o advertising, at distribution.

Nang sinabi ko kung ANO ang magketing strategy noon ng monopolyong Roces, hindi ko tinutukoy ang circulation policy nila kundi ang pangkalahatang marketing strategy nila.

Gaya ng sinabi ko sa blog ni Papa Randy (pagkat ako ay anak sa labas) mula pa noong dekada sisenta, naghirap na ang ekonomiya ng Pilipinas hanggang ngayon na mas tumindi. Dahil nga sa naghirap ang ekonomiya, pag gagawa at bebenta ka ng produkto, lalong-lalo na ng komiks, ang una mong itatanong: HANGGANG SAAN BA ANG BUDGET NG KARAMIHAN NG MGA MAMIMILI O MAMBABASA NGAYON?

Kung matatandaan mo, me nag-post ng newspaper article sa blog ni Randy tungkol sa isang 2006 market study ng isang Propesora ng brand marketing sa La Salle. Ang suma ng sinabi niya karamihan o isang malaking 90% ng mga Pilipino ngayon ay nasa income class D at E. Maliit lang at di gaano gumagastos ngayon ang 10% income class AB. At ang income class DE na may limang miyembro kada pamilya ay me baong pera ng Php 100 isang araw.

Noong panahon ng mga Roces, lalong lalo na noong 1970s at 1980s, hindi kaila na ang kanilang target market ay hindi ang myaman at middle income class AB kundi ang LOWER INCOME CLASS D at E o ang "bakya crowd" noong araw, at ang "bakya crowd" na ito ang bumubuo ng KARAMIHAN ng mga Pilipino. Fastrack tayo ngayong 2006, hanggang ngayon, mas marami ang mahihirap kesa sa konting mayayaman. Bagsak ang middle class. Marami ang wala o kulang sa pag-aaral lalong-lalo na ang pagkaunawa sa Ingles dahil nga sa wala silang pera para makapagtapos ng pag-aaral o bumili palagi ng Ingles na babasahin. Ang kanilang naiintindihan o nababasang lengguwahe ay TAGALOG. SIMPLE AT HINDI KOMPLIKADO O MAKATANG TAGALOG. SIMPLENG TAGALOG. Bagamat ano pa man ang inyong sariling "opinyon" o "feeling" tungkol dito, iba ang realidad. Mas marami ang nakalimbag at mambabasa ng babasahing tagalog noon at ngayon sa bansa. Hindi Ingles.

Ngayon, ang overall marketing strategy ng mga Roces, ay ang pagtangkilik sa lower income class D at E na ito. Sa papaanong paraan? Una, ang paggawa ng mumurahing komiks na abot-kaya ng audience na ito (product development, cost analysis). Newsprint. (product development, packaging). Pangalawa: ang paggamit ng cost-effective printing equipment at labor (i.e., artists, writers, factory workers, office clerks, etc.). Pangatlo, ang pagaaral at pagsusuri kung ano ang mga hilig at interes ng lower income class audience na ito at ang paggawa ng komiks na angkop sa mga interes na ito, e.g. Horoscope, True Love, Pilipino Klasiks (nobela), Superstar, etc. (target market profiling (niche'), Pang-apat, ang pagsigurado na ang mga murang komiks na ito ay madaling hanapin ng kanilang audience na nasa banketa, terminal ng bus, jeepney, newspaper stand, sari-sari store, at maniwala kayo sa hindi, meron noong mga local TAGALOG komiks specialty stores na nag-aarkila ng komiks mismo sa banketa. Dahil nga sa malawak na distribution ng mga komiks, ito ay naging advertising medium ng mga produktong tinatangkilik ng lower income class. (Distribution, Advertising at Promotion).

Ito, Artlink, ang ibig kong sabihin sa marketing strategy noon ng mga Roces. Hindi circulation policy. Sa aking palagay, naaangkop ang ganyang istratehiya sa kasalukuyang panahon ngayon. Ito ba ang sinasabi mo na nilipasan na ng panahon?

Sa circulation policy siguro ng mga Roces na "volume first, quality second" maari itong sabihin na nilipasan na ng panahon dahil nga sa sinabi mong talamak na ngayon ang mga alternatibong pang-aliwan tulad ng internet, cellfone, etc.

Hindi naman ako sang-ayon sa proposisyon mo na ang circulation policy ngayon ay dapat "quality first, volume second" na kasalukuyang ginagawa ng mga komikerong naimpluwensiyahan ng amerikanong mainstream at japanese anime'. Bakit? Pagkat mataas ang presyo ng kanilang komiks--este-graphic novel-- (Php 50 to Php 1,200), at Ingles ang pangkalahatang gamit na salita na ang nakakaunawa ay ang konting income class AB na westernized pa ang mga taste. Biased sila generally sa gawang Pilipino.

Bagkus ang dapat na circulation strategy ngayon ay mas mahirap: "VOLUME AND QUALITY FIRST". Kaakibat niyan ang overall marketing strategy ng mga Roces at ang panibagong media landscape natin ngayon sa Pilipinas. Kung iyong mapapansin ito ang marketing strategy ng halos lahat ng mga kompanya ng komiks sa Japan, Hong Kong at Korea.

Kahit na nagkaroon ng economic crisis ang Japan mula 1997 (Southeast Asia Fiancial Crisis) hanggang 2003, mas mabenta ang mga mumurahing second-hand manga sa mga discount stores kesa sa mamahaling bago at latest na manga. Milyon milyon ang nabebenta ng mga samu't-saring titulo ng manga linggo-linggo. Abot-kaya at madaling hanapin ang manga. Kaya ito tagumpay bilang isang industriya. Dito sa atin, walang gumagawa ng ganyan sa kasalukuyan.

Tandaan mo rin na noong sumibol ang 10 cent newstand pulp comics sa America noong late 1930s, ME GREAT ECONOMIC DEPRESSION ANG AMERICA. Lalong lalo na noong pumasok ang America ng World War 2 mula 1941 hanggang 1944, ang ekonomiya nito nakasentro sa war effort at meron pa ring kahirapan sa bansa, lalong dumami at nagtagumpay ang mumurahing comics nila lalong lalo na sa OVERSEAS na tinatangkilik at binabasa ng mga American G.I.

Kaya, suma tutal, wala pa ring malinaw na kasagutan doon si Artlink sa tanong ko, na ano ang marketing strategy ng mga Roces NOON na hindi aplikado NGAYON. Sa aking palagay, me sense pa rin na magbenta sa lower income class--VOLUME AT QUALITY FIRST.

Sang-ayon ako sa sinabi mo Artlink na marami kang magagawang "target market" pag pinagsama-sama mo ang iba't-ibang estilo at pananaw ng mga comics creators at publishers. Pero ang problema sa kasalukuyan, wala halos VARIETY ang mga gawa ng mga creators at publishers ngayon. HALOS LAHAT kumokopya o umaasa sa gawa ng U.S. mainstream media at japanese anime'. Walang (o kakaunting pirangot) ang originality. Isa pa, nakatutok sila sa limitadong mercado ng income class AB na biased sa mga orihinal na produktong U.S. at Japan.

Sa ganang akin, dahil nga sa kahirapan ngayon, ang lower income class ay limitado ang access nila sa mga alternatibong libangan na available sa upper income class AB. Hindi pa sila masyado sarado sa kulturang Pinoy tulad ng westernized AB. Sa mas malawak na mercadong ito, dapat nakatuon ang kasalukuyang publisher at nagbabalak maglimbag ng local komiks.

TUNGKOL NAMAN DOON SA TAGALOG: Kung sang-ayon ka sa pananaw na dapat sa malaking lower income class ka gumawa ngayon ng komiks, sasang-ayon ka rin sa pananaw (na suportado ng factual at statistical data) na ang tinatangkilik nilang mga babasahin ay TAGALOG at hindi INGLES. Kaya, business-wise, ang iyong ilalathalang komiks dapat ay TAGALOG, SIMPLENG TAGALOG (na pwedeng me halong tag-lish) ang dapat gamitin PARA MAINTINDIHAN AT MAALIW ang BIBILI. Lohikal lang na kung di maintindihan ng reader ang komiks mo, di nila ito bibilhin lalong lalo na kung MAHAL PA ANG PRESYO NITO. Papaano mo magagawang magkaroon ng awareness ang target audience na ito kung ang gagamitin mong salita ay INGLES? Sige, sabihin na nating OPTION lang ang pag-gamit dito ng Ingles. Pero kung ikaw ay negosyante at gusto mong marami ang tumangkilik sa komiks mo, hindi ba't mas tatangkilikin mo ang OPTION na gumawa ng TAGALOG komiks kesa sa Ingles?

Kung gumawa ka ng murang tagalog komiks at hindi ito mabenta sa upper income AB dahil nababaduyan sila, hindi ba't me option ka pang ibenta ito sa lower income TAGALOG DE market? Me pag-asa ka pang kumonti o mawala ang UNSOLD surplus mo? Di ba't mas lumawak din ang salability ng produkto mo? Ngayon, kung ang ginawa mo ay komiks na ingles, sigurado, me unwanted at unsold surplus ka pa dahil sa pagka-bias ng mga pihikan at westernized income class AB audience sa orginal na produktong banyaga. Between "Darna the Golden Anniversary Edition" versus "X-Men" o "Justice League" o "Yu-gi-oH", mas pipiliin ng income class AB ang X-Men, Justice League at Yu-Gi-Oh. No contest. Pumunta ka lang sa Comicquest, obserbahan mo, iyan ang reality. Kaya semplang pati ang mga nagbu-burgisang mga globalized "indies" sa US at Japanese Anime' comics.

Dahil nga sa ang gamit na salita ng karamihan sa mga "indies" ngayon ay INGLES, WALANG AWARENESS dito ang lower income class at upper income class. Bagkus ang westernized na tema ng kwento at pananalita ng mga indies at gawang AMBOY komikero ay limitado lang sa kanilang kulto o SUB-CULTURE gaya ng nabanggit ni Papa Randy. Limitado ang circulation, limitado din ang audience. Resulta: wala talagang industriya. "Pataasan lang nga ihi" culture ang pinananatili.

TUNGKOL SA PAGIGING "GLOBAL COMPETITIVENESS" NG MGA KASALUKUYANG COMICS ARTISTS AT PUBLISHERS: At bakit naman hindi sila masisi? CHOICE nila iyon diba? Pinili nila ng malaya na WAG GUMAWA NG MURA AT ME QUALITY na komiks sa bansa natin dahil sa ayon sa paniniwala nila: WALA SILANG KITA RITO. Pera at ego ang nagingingibabaw. Ayaw nilang tumayo sa mga drawing board nila para magtanong at magusisa sa mga bagay-bagay na di ukol sa art. Malinaw iyon sa dating sagot at comment ni Gerry Alanguilan sa blog ni Papa Randy.

Dahil sa Choice nilang ito na maging globally competitive, nakatulong sila sa kasalukuyang kawalan ng paghinga ng komiks sa bansa natin. Contaminated na sila ng isipan at gawang banyaga. Hinawa pa nila ang mga kasalukuyang pulbisher at nagnanais mag-publish, ng komiks: ang mga indies. Hindi sila dapat sisihin? C'mon. Artlink, ikaw na rin ang nagsabi na ang mga Komikero at mga anime' inspired copycats ay:

"DI LANG SILA ANG MAY KONTRIBUSYON SA PAGBAGSAK NG ATING LANGUAGE AT PAGGAWA NG LOCAL KOMIKS."

Translation: THEY ARE PART OF THE PROBLEM. Ergo: dapat silang sisihin DIN.

Me mga utak sila, me free will, me talino, di naman nila ginagamit. CHOICE pa nilang di gamitin in the name of 'artistic freedom". Bagkus, nagpapaalipin sila sa kultura ng ibang bansa at dinadala dito ang kaisipang iyan. Me artistic freedom nga, pero ito ay freedom ng pagpapa-alipin ng isip. Freedom nga, wala namang intelligence, guts, at responsibility. Kaya hanggang ngayon, bagsak ang komiks nating mga Pinoy.

Susunod: SASAGUTIN KO SI USERNAME: McCOY, YUNG ME ICON NA MALIIT AT PUTING MANOK.

12 Comments:

  • Sa inyong opinyon, ang mga hindi mahihirap sa Pilipinas ay hindi Pilipino? Kasi sa tema ng inyong opinion, hindi maka-Pilipino pag mahal ang komiks at hindi kayang bilhin ng mga mahihirap.

    By Anonymous Anonymous, at September 09, 2006  

  • Magandang mabasa ninyo ang sagot ng lahat dito sa blog ni Gerry Alanguilan na binabanggit nyo dito. Nasa blog lahat nya:
    Una:http://alanguilan.com/sanpablo/2006/09/we-care-only-about-art-not-masses.html
    Pangalawa:http://alanguilan.com/sanpablo/2006/09/ernie-chan-email-replies.html
    Sana ay magkaroon kayo ng pananaw sa kanilang pagiisip.

    By Anonymous Anonymous, at September 09, 2006  

  • Mga Ginoo!

    Natatawa naman ako sa inyong conclusion na sina Alanguilan at ang kanyang mga angkan ay nakakatulong sa paghina ng industriya ng komiks. Nagdududa na po ako sa inyong kaalaman sa kasaysayan ng komiks, kasi ang totoo nito, matagal nang humihina ang komiks ng dahil sa kalidad ng mga komiks na lumalabas nitong nakaraang dalawang dekada.

    Si Alanguilan na rin ang nagsabi na gusto niyang gumawa sa lokal, at ang totoo nito nagumpisa siya sa Mass Media. Sa Terror Komiks, pagkakaalam ko. Sinabihian siya doon ng EDITOR na WAG MO NA LANG GANDAHAN KASI LOKAL LANG NAMAN ITO. Ito pong kultura ng "mediocrity" na tila umiiral industry wide noong mga kapanahunan na yoon ang malaking dahilan sa paghina ng komiks. Kung totoong dati kayong kasama sa industriya na iyon, isa na kayo MISMO ang tumulong sa paghina ng komiks. At ngayon naghahanap lang kayo ng SCAPEGOAT.

    PATAY na ang komiks bago pa sila dumating. Magpakatotoo kayo at akuin ninyo ang bahagi ng responsibilidad sa paghina at tuluyang pagkamatay ng komiks. Hindi iisang dahilan lang ito pero marami. Sana ito ay naiintindihan ninyo at tinatanggap. Kasi kung hindi, hindi kayo matututo sa kamalian ninyo.

    BenG
    Dating anonymous.

    By Anonymous Anonymous, at September 10, 2006  

  • "Freedom nga, wala namang intelligence, guts, at responsibility."

    guts? responsibility?

    ikaw nga itong walang GUTS na ipaalam kung sino ka. ikaw nga itong ayaw akuin ang RESPONSIBILITY sa mga sinasabi mo. tinataguan mo ang responsibility sa pamamagitan ng maraming alyas.
    imbes na makibahagi sa RESPONSIBILITY ng pag-angat ng industriya ng komiks, pilit mong ipnapasa ito sa ibang tao tulad ng mga manga publications at mga komikero, na halata namang walang interes dito.

    marami kang daldal pero wala ka namang ipinapakitang TUNAY na paninidigan. puro hangin. ikaw, ano ba'ng pakinabang mo sa komiks? me na-accomplish ka na ba para iahon ito? bago ka mangutya ng iba tignan mo muna'ng sarili mo.

    By Anonymous Anonymous, at September 10, 2006  

  • Walandyo! Yung mga malakas magpakilala sa blog ni Randy, nandito naman ngayon gumagamit na ng alyas!

    By Anonymous David's Slaon, at September 11, 2006  

  • Hmmmm..Di ako masyado makakaresponse ngayon..pero ibubuod ko na lang..

    Magaganda yong points mo dito kaso ang nagiging problema sa bandang huli----pagkakaroon ng away..

    May mga tama, may mga mali..
    Pero nais ko sabihin ang mali.:

    Hindi lahat ng ito ay pwedeng "applicable" sa isang independent creator/publisher.Kapital at pagbalik ng investment ang pangunahing binibigyan ng pansin dito para mapanatili nila ang "survival" ng Kanilang publishing.Yong mga punto mo ay nababagay lamang sa mga katulad ng GASI at Atlas at alin pamang
    malalaking publishers.Hindi sa Indies.

    Sana wag mo ipahalata ang galit mo sa mga Komikero o Manga Artists o sino pamang artist, para marami naman sana nakikinig sayo.Ayusin mo lang ang tono mo, para walang may nasasaktan at nagrereact.Magaganda na yong iba mong pananaw pero may halong galit at kulang yong pagtimbang mo sa mga indies.Halata kasing may malalim kang personal na galit sa kanila.

    Subukan kong magpost uli sa susunod...medyo busy pa ako.

    By Blogger ARTLINK STUDIOS, at September 11, 2006  

  • ang tawag dyan, 'dose of your own medicine'. buti nga di ka pa minumura ng patalikod, eh.

    By Anonymous Anonymous, at September 11, 2006  

  • Hay, kayo naman talaga oh! Wala ng ginawa kundi tirahin ang komikero. Masyado naman kayo magsalita laban sa kanila! Nabasa niyo na ba ang mga gawang komiks nila!?

    Para namang walang naitutulong sa komiks ang mga komikero sa sinasabi niyo eh!

    By Anonymous Anonymous, at September 11, 2006  

  • "With very few exceptions, the Filipino invasion of comics is now over, and their 70s heydey is either ignored by collectors or misunderstood. In recent years, a thrid wave of creators has entered the U.LS. but I suspect that few readers are aware that the likes of Whilce Portacio, Leinil Francis Yu, Jay Anacleto, Lan Medina and GERRY ALANGUILAN are indeed Filipino. Their art reflects the U.S. comics mainstream of the past decade rather than their own visual heritage, and they clearly work in a different artistic tradition, with little in common with their predecessors. That is good for them commercially, but it means that they traditonal Filpino style is all but dead."

    --Comic Book Artist, Sept. 2004 issue, pg. 61.

    "Philippine komiks have faced many challenges in recent years as audiences increasingly turned to other diversions, such as television, video gaming, internet and foreign comicbooks. Readership is reportedly constrant and perhaps has grown in recent years, but much of what Filipinos are devouring are American or Japanese. Manga have greatly influenced the market, generating a genre called Pinoy Manga (Philippine Manga) new companies and titles such as Culture Crash, Questor, etc. and a batch of cartoonists following the Japanese style of drawing.

    Reyes, writing in the late 1990s painted a bleak picutre of the contemporary komiks saying they were in decline because readers no longer find in them the psychological, emotional, and aesthetic needs offered in the past, and the industry is dominated by young creators "who appear not to possess the engrossing styles of the older writers and cartoonists."

    As with their counterparts in many parts of an increasingly globalized world, Philippine Komiks will have to reinvent themselves to blend with new technologies, meet readers' changing appetites and survive in an ever-glutinous world economy. Filipino cartoonists have admirably met challenges to change in the past--notably in the 1980s with the overhaul of the industry, and, in the 1970s during martial law and the talent exodus to the U.S. Time will tell if they are up to the task again."

    --Comic Book Artist, September, 2004 issue, p. 95.

    By Anonymous Anonymous, at September 12, 2006  

  • lahat ng pinost mo sa taas ay matagal ng, patay na ang industriya ng magsulputan ang mga indies. sila and pumupuno sa kawalan ng komiks ngayon, kung meron man, ay nabubulok din sa mga tindahan gaya ng national.

    By Blogger Ner P, at September 13, 2006  

  • Ayan, okay na pwede nang mag comment, kasi nung mag bigay ka ng adds sa blogs ni Randy nde ka makapag comment sa ni post mo. Dahil okay na, mag comment narin ako.

    May sense ang mga sinabi mo at Hindi ako kumo kontra sa mga paliwanag mo dahil may point ka at tama ito. kaya lang sobrang pranka at nakakasakit ka ng kapwa mo, kaya tuloy nagkakaroon ng away. Pwede namang pagusapan ito ng walang halong masasakit na salita.

    Sa tingin mo ba kung halimbawang kayong hindi magkaka kilala eh nag kaharap harap para pagusapan ang ganitong bagay at sabihin mo mismo sa harap nila na
    "Freedom nga, wala namang intelligence, guts, at responsibility."
    Ewan ko lang kung maka uwi ka ng walang galos sa katawan.

    Pwede mo namang sabihing, "Freedom nga, kaya lang kailangan pa ng maraming information tungkol dito, guts, at responsibility." mas okay diba, hindi ka nakasakit or tinapakan mo ang pagkatao nung sinasabihan mo.

    Ang sa akin lang eh ang makaiwas sa away lalo na ang panghihimasok sa buhay ng kapwa na isinasali sa mga ganitong diskusyon. Yun lang at wala nang problema kung anong klasing kontradiksyon sa mga topic.

    By Blogger Bluepen, at September 15, 2006  

  • May ni post ako, at sabi:

    Your comment has been saved and will be visible after blog owner approval.

    Tingnan natin kung i post nang may ari ng blogs na ito.

    By Anonymous Anonymous, at September 15, 2006  

Post a Comment

Links to this post:

Create a Link

<< Home