anak ng usapang komiks

Thursday, October 19, 2006

WE ONLY CARE ABOUT ART AND NOT THE MASSES

Me nag-post ng comment sa isa sa mga entries dito na nag-iimbitang dalawin ang blog ni Gerry Alanguilan dito: http://alanguilan.com/sanpablo/2006/09/ernie-chan-email-replies.html.

Kung babasahin ay mauunawaan daw natin ang dahilan kung bakit Ingles ang gamit na salita ng karamihang "komikerong" tulad ni Mr. Alanguilan.

Sa blog na ito, ibinabandera ni Alanguilan ang comment ng isang Mr. Orbeta na pumuri sa gawa niyang "Elmer".

Dagdag na puri ni Mr. Orbeta na "tama" daw ang pag-gamit ni Alanguilan ng Ingles sa Php 50.00 black and white digest-size photocopy "komiks" niyang "ELMER" pagkat mismong sa Pilipinas daw mas marami ang di "daw" nakakaunawa ng tagalog. Maraming dialect at sumasakit ang loob ng mga Pilipino sa iba't-ibang rehiyon kung "tagalog" ang ipababasa sa kanila.

Bagamat opinyon lamang ito na base lamang sa sariling paniniwala at damdamin ni Mr. Orbeta ay agad-agad naman itong tinanggap bilang totoo ni Mr. Alanguilan.

Dagdag pa ni Mr. Alanguilan na sa paggamit niya ng Ingles, naiintindihan at napapagusapan ng maraming tao sa Internet tulad ng sa France at iba't-ibang parte ng mundo ang likha niyang obra maestra.

Hindi na niya diretsong sinabi pero lantad na pinapahiwatig at ipinagmamalaki ni Alanguilan na di man matangkilik ang 'Elmer' ng maraming mambabasa sa Pilipinas, pinupuri naman ito ng mga dayuhang nakakaintindi ng Ingles sa abroad, lalong-lalo na sa internet. Pinapahiwatig din ni Alanguilan dito na dapat pa ngang matuwa tayo na me ganitong mga "puri" na dumadating sa isang "Pilipino" tulad niya.

At dahil diyan, saludo naman si Mr. Orbeta sa ginagawang ito ni Mr. Alanguilan na tungo raw sa pagbangon ng local comics industry.

Marami ang di nakakaunawa sa pananaw na ito.

Nababangon ba ang local comics industry kung gumagawa at bumebenta ka ng comics abroad na ang tanging tumatangkilik e ang mga banyaga (at isip-banyaga) lang?

Hindi ba't ang kinita mo sa paggawa ng mamahaling Ingles na comics na me tema at pananaw na banyaga ay ginagamit mo uli para gumawa ng ganitong klase ng comics para mabenta muli sa abroad?

Asan ang perang kinita na pumapasok sa Pilipinas, lalong-lalo na na sa patay nating komiks industry? Pinasok ba dito ang pera?

Ginagamit mo ba ang pinagkakitaan mo abroad sa paggawa ng mga lokal na komiks para sa mas nakararaming Pilipino? Ginagamit mo ba ang kinita mong pera para magkaroon ng pangkalahatang industriya at trabaho dito sa bansa ang marami nating mga Pilipino comics creators na walang trabaho pero mas magagaling pa sa 'yo? O ginagamit mo lang ang pera para sa ikaaasenso ng sarili mo?

Kung ang sagot sa mga katanungang iyan ay wala at hindi, malinaw na ang ginagawa mo ay hindi nakakatulong sa pagbangon ng comics industry dito sa bansa. Sarili mo lang ang tinutulungan mo. "Kanya-kanya asenso" syndrome ang nangyayari.

Oo nga, pinuri ka (at ang lahi ng Pilipinong Komiks Artist) sa internet. Pero ang pulot dulo niyan, sarili mo lang talaga ang naaangat at nagtatago ka pa sa ngalan at palda ng "ART" PARA DI KA MASILIPAN.

Aminin.

"Pride" mo lang ang tinatayo sa sarili mong bangko. At nagkaroon ka nito dahil lang sa me mga banyaga (at isip-banyaga) na pumuri sa iyo. Di ka nila pupurihin kung di ka nakagawa ng comics na naiintindihan at naaabot-kaya ng kanilang bulsa. Sa ganyang estilo, nabangon ba ang local comics industry o ang sarili mong "pride"?

Nabangon ba ang local komiks industry ng "Racial at Artistic Pride" na 'yan? Marami bang mga 'westernized' o Ingles na local comics tulad ng mga ginagawa mo ang kasalukuyan bang nagtagumpay dito sa Pilipinas dahil sa pagpuri sa abstract na 'pride' na 'yan? WALA DI BA?

Me mga local comics creators ba ang nabigyan ng tuloy-tuloy na trabaho dito sa bansa dahil sa paggawa mo ng ganitong klase na westernized comics? Hindi ba't karamihan ng mga tulad mong comics artist, ang nagtatrabaho para ultimong maangat at mapabuti ang komiks at animation industry ng ibang bansa?

Bumangon ba ang local comics industry nang sumulpot ang mga ingles at mamahaling ELMER? LASTIK MAN? DARNA? MOO MOO FIGHTERS? QUESTOR EXTREME? ENCHANTED KINGDOM? MANGO JAM? CAST? SIGLO? DC SUPERHEROES? DC KIDS? NEO COMICS? IGNITION ZERO?

Php 100 (o Php 53.00) kada araw o mas mababa pa rito ang kinikita ngayon ng 90% ng mga Pilipino. Mga lower income class D at E. Dahil diyan, marami sa kanila ang di nakatuntong sa pormal na edukasyon, lalong-lalo na ang pag-aral at pag-unawa ng mataas na Ingles at slang na ginagamit ng ELMER at iba pang mga "global" komiks tulad nito.

Tapos nagtataka kayo kung bakit hindi mapansin, mabili, o maintindihan ng mas nakararaming Pilipino ang gawa ninyo? Tanging maliit na porsiyento lang ng mga "westernized" Pilipinong burgis; mga geek, nerd, at psuedo-intellectual na katiting ng 10% ng upper income class ABC ng bansa ang audience ng mga global komikerong ito. Isang kulto. Isang sub-culture.

Sisisihin mo pa ang 90% MASA dahil sa "katangahan" nila; na ang matatalino at mayayamang banyaga lang ang nakakaintindi sa gawa mong "ART?

"We only care about ART and not the Masses"? Iyan ang panakip-butas? Tapos nagagawa ninyo pang magtanong: "Paano ba at kailan babangon ang local komiks industry" ?

5 Comments:

  • Ayos. Sapul nanaman.

    Tangna anak/oldtimer, hayop ka talaga. Honga no, walang lokal komiks industry na nasisimula kung ang kita ng mga westernized komiks tulad ng Elmer e ini-invest muli sa pag-gawa ng mga ganyang komiks na ang talagang tumatangkilik na customer ay ang foreigner. Hindi talaga dito binibenta o balak ibenta kundi pang-abroad. Brilliant.

    Kung tama ang sinabi nila na hindi nakakaunawa ang karamihan ng Pilipino ng tagalog, e bakit ang mga komiks noon ng mga Roces na ang gamit na salita e TAGALOG ay nababasa at sinusubaybayan mula Aparri hanggang Jolo? Hindi imbento 'yan. Hindi yan base sa limitadong karanasan o "experience" tulad ng kina Orbeta o Alanguilan.

    Isa pa, bakit ang TAGALOG Romance pocketbook ang pumapangalawa ngayon sa Bibliya bilang no. 1 na babasahin sa BUONG bansa? Bakit ito tinawag na TAGALOG Romance Pocketbook at hindi CEBUANO Romance Pocketbook, CHABACANO Romance Pocketbook, etc. TAUSUG Romance Pocketbook? Ganoon din ang mga TAGALOG na tabloid.

    Kaya hindi tama ang pinagsasasabi at nililinlang lamang ni Alanguilan at ng mga kauri niya, ang kanilang mga sarili.

    Kunsabagay, nang nasa blog pa ni Randy e inamin ni Alanguilan mismo na ang mga Pilipino Comics Artist daw (Ewan kung sino ang humalal sa kanyang spokesman o Presidente ng mga Pilipino comics artist), e mga "ammunition" lang ng publisher. Na ang mga Pilipino comics artist daw ay walang alam at dapat walang pakialam sa pagsimula ng isang lokal na comics industry. Trabaho lang daw ito ng isang big-time publisher na siyang may sariling responsiblidad dito.

    Malinaw na ang mga komikerong tulad ni Alanguilan ay talagang walang pakialam sa pagtatag ng sariling local comics industry.

    Mas importante pa sa kanila ang magtrabaho at pasiglahin ang comics industry ng ibang bansa at ang pagsulong ng pinakamamahal nilang ONLINE MUSEUM kung saan pan-display lang ang gawa ng nagdaan at pang-masang komiks noong araw.

    Front lang at panay hangin ang paghanga ni Alanguilan sa gawa ng mga Pilipino comics artist. Panay lip-service. Pero sa gawa, sa paglimbag ng local na komiks na matagumpay, marami pa siya--at ng iba pang katulad niya--ang kakainin.

    By Anonymous Atlas, at October 20, 2006  

  • I agree. Just because the komikeros are not understood by the greater many does not mean that they're "artists".

    By Anonymous Jervic Santos, at October 23, 2006  

  • Nakakatawa. There's a newsarama article "celebrating" 120 years of Filipino Comics and guess who were invited to comment? Whilce Portacio and most of his komikero "children" : Alanguilan ang co.

    When asked to comment on the FIlipino comics industry, most of these guys say they know nothing or little of the local komiks industry.

    E bakit pa sila inimbita in the first place?

    Meron ba namang celebration ng local comics industry kung ang mga naimbita mo e mga walang alam tungkol dito?

    Me Komikon na na huwad, eto naman me internet celebration pa ng mga...ewan.

    By Anonymous Na-censor ng mga burgis sa blog ni Randy, at October 27, 2006  

  • Mga 'tol!

    Noong nasa blog pa ni Randy, me sinabi si Elmer na para bumangon ang local comics industry, e kailangan daw ng rich at maperang publisher. Ang mga comics artist lang daw e "ammunition". Mas malaki ang responsibility ng RICH publisher. Tanda 'nyo 'to?

    Well,guess who's really the rich comics publisher who is instead making expensive english comics for a foreign audience? Heto ang nabasa ko sa Newsarama article na sine-celebrate ang 120 years of Filipino Komiks: http://forum.newsarama.com/showthread.php?t=8848:

    "I can't deny that its financialy more rewarding, Gerry Alanguilan admitted. "You can settle down, get married and have kids, buy a house and a car for what you make working for foreign pulbishers. I got paid as much as my contemporaries. I refused to get paid less just to get jobs. I wanted to be hired because I could do the job not because I was cheap and living in a 3rd world country. If I lived in the U.S. what I make would not be enough on just one book, but if I stayed here, the money I make is worth much more and could pay for so much more."

    O, siya pala ang me PERA! Tapos sasabihin niyang hindi mabangon ang local comics industry?

    Kung sabagay, inamin naman niya sa blog ni Randy na ang mga tulad niya ay wala talagang interes na mabangon ito. Publisher naman siya. Pero ng anong klaseng comics? Pilipino ba o pang-American?

    More power, Gerry!

    By Anonymous Remember when, at November 01, 2006  

  • Yep, that's him alright. Mr. Gerry "I don't wanna starve" Alanguilan.

    By Anonymous Former Brainwashed Komikero, at November 10, 2006  

Post a Comment

Links to this post:

Create a Link

<< Home